Pages

Sunday, February 27, 2011

Kuch Baaten

Kuch Baaten
Lagbhag Sath hui
Kuch lamhe aaye

Guzar gaye !
Priye kaise ho ye khat mila                         
Soya sa paani kahi hila
Badal darwaze tak aaye
Sahme, Sakuchaye
Thahar gaye !


Kuch Baaten
Lagbhag Sath hui !                                                                                                          

Paani par jami phati kaayi
Raanchi se pahli bus aayi
Kuch raate kesarmukhi hui
Kuch din sone se
Nikhar gaye !

Kuch Baaten
Lagbhag Sath hui !

Chuppi ke patte kaanp rahe
Hum apne Kad hai naap rahe
Do naave jal me doob gayi
Do dweep nadi me
Ubhar gaye !

Kuch Baaten
Lagbhag Sath hui !


Kuch galat faisale hone the,
Aashankit ghar ke kone the
Pedo par Sihran reng gayi,
Kuch chidiyo ke par
Bikhar gaye !



Kuch baate
lagbhag sath hui !


Jaati si dhoop mudhi thodi
Phoolon ki baat judi thodi
Haan Kahna
Jahan Zaroori tha
Hum theek waha par
Mukar gaye


Kuch baate
lagbhag sath hui !


Nakli si ek hansi lekar
Phir dhoob gaya apne me ghar
Wo apne bheetar chale gaye
Hum apne bheetar utar gaye !


Kuch baate
Lagbhag saath hui


                            -Sudhanshu Upadhyay

No comments:

Post a Comment

टीका-टिप्पणी :-)